গীতৰ ফাঁকিঃ দিখৌ নৈৰ পাৰৰে
কণ্ঠশিল্পীঃ অনিমা চৌধুৰী
গীতিকাৰঃ মৃণাল কুমাৰ চৌধুৰী
সুৰকাৰঃ মৃণাল কুমাৰ চৌধুৰী
দিখৌ নৈৰ পাৰৰে
কঁহুৱাই বিনায়
নাই আজি সেই দিন নাই
আজলী অসমীৰ সকলো হৰিলে
এদেও দুদেও চেগ পায়
দিখৌ নৈৰ পাৰৰে...
কাৰেং ঘৰ আছে নিঃপালি দি শুই
ৰংঘৰ কেঁহেৰাজ বটা
জেৰেঙা পথাৰত জয়াৰে উচুপনি
গোদাপানিৰ দল ক’তা
শৰাইঘাটতে মোমায়ে টোপনিয়াই
লাচিতৰ উমঘাম নাই
দিখৌ নৈৰ পাৰৰে
কঁহুৱাই বিনায়
নাই আজি সেই দিন নাই
আজলী অসমীৰ সকলো হৰিলে
এদেও দুদেও চেগ পায়
দিখৌ নৈৰ পাৰৰে...
শিৱৰে দ’লৰে বৰখুটা লৰিছে
বৰদোৱাত নাম ভটিমা নাই
অ’ চাটিছে ৰঘূমলা
গড়গঞা কটাৰীৰ দাবেও কাটিছিলে
শান আজি মামৰেহে খায়
পিঠি পুৰিলেও উভতি শুব জানি
বদনে ৰণশিঙা বায়
দিখৌ নৈৰ পাৰৰে
কঁহুৱাই বিনায়
নাই আজি সেই দিন নাই
আজলী অসমীৰ সকলো হৰিলে
এদেও দুদেও চেগ পাই
দিখৌ নৈৰ পাৰৰে... ।
